معندكيش وقت تلعبي مع طفلك... تعالي اقلك تعملي ايه

[السلام عليكم ورحمة الله وبركاته

النهاردة عاوزة اتقاسم معاكم تجربتي مع بناتي
هما عاوزاني طول الوقت العب معاهم وانا بطبيعة الحال ورايا هم مايتلم فكنت بضطر اسيبهم قدام التلفزيون بالساعات لغاية ماسمعت ان اقصى حد لازم يشوف فيه الطفل التلفزيون هو 3 ساعات يوميا فصعبو عليا فقررت الاتي:


اشاركهم معايا في اي حاجة انا بعملها من اشغال البيت وبدل ماكون انا لوحدي بشتغل دماغي يودي ويجيب وهماا عينيهم مفنجلة في التلفزيون لا نشتغل مع بعض ونلعب ونهزر ونتعلم كمان


وحقلكم على شوية افكار من شغل البيت الي بتعمله معايا:


*غسل المولعين بلبسهم مريلة عملهلهم بايدي ووقفهام على كرسي جمبي قدام حوض الغسيل متستغربيش واصبلهم الفيري في الاسفنجة ويقعدو ويلعبو بيه وبالفقاعات الي بتطلع واديهيم اي حاجة بلاستك يغسلهو وفي نفس الوقت انا بغسل المواعين التانية واسملها الحاجات: ده معلقة ...ده كباية..ده طبق..لونه ايه يا حبيبي ؟ فتردوابيييييييييض...برافو شاطرين وهكذا لغاية منخلصه كل المواعين


طبعا في احتمال انهم يكسروا حاجة مش مشكلة وجهيهم بلطف ومش خسارة فيها وانت طبعا الحاجة الغالية عليكي حاولي تغسليها الاول


*حاجة تانية بتحب تعملها معايا هي العجين سواء فطاير او حلويات او اي حاجة ليها علاقة بالدقيق بغسلهم ايديهم واسيبهم يلعبو ونرش عليهم وضحكنا مالي الشقة


اسيبهم يفرد والعجين ويقطعهو اشكال ولما يستوي ندهنه شكلاطة ونزوقه وبسيب ابداعاهما تطلع وتزوق الحاجة براحتها ونفرح قوي ونشيلها لبابا عشان يجي ويشوفها والله بشوف الفرحة في عنيهم لما ننجز اي حاجة


طبعا انت لازم يكون بالك طويل وصبورة عليهم حتى لو بوظو اي حاجة وده محتمل اوعي تشخطي اوتضربي او تطرديها برا ماتنسيش ان الهدف اننا نلعب ونهزرواكيد حنتعلم


وطبعا والله الوقت بيكون مسلي قوي وممتع ليها وليا وانتم عارفين فطرة الاطفال وكلامهم الي زي العسل والله بنضحك ونستمتع جدا