مصر بينا هتبقى أكبر

إهداء إلى شباب ثورة يناير
مصر بينا هتبقى أكبر
بقلمي

كنت فاكر إن مهما الشعب ثار
لو شجبنا ليل نهار
مهما قلنا
مهما عدنا
لو صرخنا بأعلى صوتنا
حتى موتنا
مش هيتغير واقعنا
مش هيتنور تاريخنا

بس بإرادة شبابنا
اللي قالوا مش هنقبل بالمهانة
مصر في إيدينا أمانة
واحنا هنحافظ عليها
ونعلى بيها
ونبني فيها
دول شباب مصر اللي قرر
واللي غير
واللي قال للدنيا إن المصري قادر

يا شباب ثورة يناير
اللي قام عالظلم ثاير
واللي كان بركان غضب
ياللي قولتوا بأعلى صوت
مصر قومي م النهاردة مفيش سكوت
حقنا حقك ... هيرجع
م اللي خانك
واللي باعك
واللي هانك
واللي ضرك
واللي يوم أفسد في ارضك
واللي دمر واللي كسر
والحرامي اللي نهب
يا شباب مصر الرجال
ياللي حققتوا المحال
ياللي صوتكم في السما هز السحب
نزل الأمطار تطهر
كل ظلم وخلى شمس الحق تظهر
يا شباب مصر اللي عبّر
عن إرادته بكل قوة
التاريخ واقف يسجل كل لحظة وكل خطوة
يللا بينا نقوم نعمر
نبني مصر ونبقى أكبر
يللا بينا وإيد ف إيد
نبدأ العهد الجديد
قوم نغير
قوم نطور
مصر بينا هتبقى أكبر

حازم عبد الكريم

يا شباب ثورة يناير
اللي قام عالظلم ثاير
واللي كان بركان غضب
ياللي قولتوا بأعلى صوت
يامصر قومي من النهاردة مفيش سكوت
حقك هيرجع

____________
خاطرة اكثر من رائعه
لا تحرمنا جديدك

التاريخ واقف يسجل كل لحظة وكل خطوة
يللا بينا نقوم نعمر
نبني مصر ونبقى أكبر
يللا بينا وإيد ف إيد
نبدأ العهد الجديد
قوم نغير
قوم نطور
مصر بينا هتبقى أكبر

كلماااااااااات راااااااااااائعة

سلمت يداك

شكرا أ/ حمد على مرورك الطيب

شكرا أ/ لمياء على المرور العطر

نورتم الموضوع