عصفور مغرور ( شعر للأطفال )

( 1 )

عصفور فى سن الخوف شطح

شده الفرح

بجناح يدوب يقدر يطير...........علو الزهور

رفرف ودار غنى بصوت كله مرح

م اليوم خلاص هقدر أطير

زى الفراشات الحرير

مخلاص جناحى صار كبير

عمره ميتأثر بجرح

2 )

يا أمى مش هفضل فعش

أفضل أسير بين ريش وقش

وكلام كتير

لسه متقدرش تطير

لسه متعرفش تطير

الريح بتاخد الصغار لمكان خطير

وغراب كبير

فوق الشجر مستنى فرصة طير صغير

شده الغرور

( 3

يا أمى فين كل الكلام ؟

أدينى أهه لسه بطير زى النسيم

وصوتى أجمل م الغنى

عصفور وطاير ف الهنى

ريشه ملون بالسعاده والمنى

يقدر على الريح والغراب

يقدر على كل الصعاب

عصفور أنا ومفيش هنا غيرى أنا

( 4

وفجأه من غير إنتظار

غاب النهار

غيمه وبصت ع البساتين الصغار

الريح بتصرخ فى الفضا

وغراب كبير فرد الجناح

صوته يدوى ف الهوى

عصفورنا كان حاير وخايف م الخلى

أصله مفيش غيره هنا

كل العصافير الكبار بجناح كبير

يقدر يطير وسط المطر

ميهمهوش ايه الخطر

لكنه عصفورنا الصغير

يقدر يطير وسط الرياح ؟

يقدر على الريح الجناح ؟

وادى الغراب فرد جناحه وبصله

بعيونه يقدر يقتله

وادى الصغير

شاف الغراب قلبه انكسر

م الخوف دفن

راسه ف ريشه وانتظر

ايه اللى مكتوب ف القدر

( 5

عصافير كتير ملت السما

واتجمعوا وكأنه طير واحد كبير

بجناح كبير

رجعوا عشان طيرنا الصغير

طيرنا اللى مليان بالغرور

شافهم غراب البين هرب

( 6

عصفورنا م اليوم اللى كان عرف السبب

انه الغرور

ياخد صحابه ف الحياه لمكان خطير

مفهوش رجوع

لو حتى صاحبه كان كبير

أصل الغرور

بيحول الشىء العظيم

لشىء حقير

مشكور على هذا الشعر الجميل بارك الله فيك

يا سيدى العزيز شكرا على مرورك

فاكر يا شاعر أول مره كتبت فيها الموضوع ده على الكمبيوتر

-7-
عصفور قال
زي ما عملوا زي ما نعمل
زي ما هجموا إحنا هنهجم
واللي خدوه بالقوة
نرجع ناخدوا بقوة
ايه راح يحصل
ردوا وقالوا ... ايه راح يحصل!!
غربان تملك كل القوة
منقار اكبر وجناح اكبر واحنا الأصغر
إحنا معانا الحق ولكن
ويا الحق محتاج القوة
عصفور قال
ومدام مش راح نهجم نصبر
لما يبيضوا ويفقس بضهم
يرحلوا عنا ويخدوا صغارهم
ردوا وقالوا ازاي راح نصبر
ونسيب غربان بتخرب فيه
بتغير لونه الأخضر
وبتمحي جمال غناويه
عصفور قال
ليه ناسين العقل
إحنا صغار في الحجم ولكن
جوه دمغنا عقل كبير
عقل بيهزم أي شرور
عندي الحل
،ايه الحل ؟
نعمل جيش من غير حرب
جيش يستخدم عقله في فكره
،ايه الفكره ؟
نقسم جيشنا حزب وحزب
حزب يطير في الضلمه يشوف أعشاشهم
حزب هيسرق بيضهم
،كل البيض !
لأ
بيضه بيضه وننشر كدبه
إن هناك تعبان وكبير
ياكل كل البيض
اصل الحرب يا أحبابى خدعه
ياله نجرب
ومدام إحنا بنملك كل شجاعة القلب
ياله نجرب
-8-
يوم والتاني
والغربان بتلف تدور
في البستان علي بيض متكسر
بيض راح يصبح فرخ صغير
وادي الكدبه تزيد وبتكبر
والتعبان الوهم حقيقة جوه قلوبهم
فزعوا وخافوا علي أعشاشهم
قال الملك الآمر ليهم
بكره هنرحل قبل ما نخسر كل البيض
بكره هنرحل
-9-
والعاصفير من بعد وشافوا
جيش الظلم يسيب بستانهم
غنوا وفرحوا وداروا ورجعوا
علي بستان طول عمره وطنهم
غنوا وفرحوا وداروا وعرفوا
إن سلاح الحرب لوحده عمره ما ينفع
لازم مكر وفكر وخدعه
لازم ويا ده كله محبه لأرض وطنهم
جوه قلوبهم

ده كان يوم
12\9\2003

الساعة 1:20 ص

والعشا كان على حسابك

ده نتيجة الى مايسمعشى كلام ماما
مشكووووووووووور ياشاعر

شكرا ليك موضوع يجنن

» عصفور يحرق متجراً في بريطانيا
» مؤتمر دولي للأطفال المائيين