خلاص امشى

خلاص امشى....موقتك فات
صراخ صوتنا ...وانت سكات
سنين أموات
مبين ذلك وبين قهرك وبين ظلمك
ودلوقتى مجه وقتى
ووقتك فات

خلاص امشى
ضوافر ملكك المهدوم
على وشى
وفين ممشى ألاقيهم
وخوفهم لسه ف عنيهم
بطول اليوم
بيصحو ع القرف والذل
لا شمس تطل
ولا خيرها يغطى الكل
فطارهم خوف
ليقتلهم طابور ورغيف
ويجى الضهر
بيتغدو مرارة الصبر
ويشربو قهر
لا بلة ريق
ولا نسمه ف ساعة العصر
ويجى الليل يغطيهم
لحاف مهموم
وكابوسك وطن محروم
وكرباجك وذل الأسر
خلاص امشى ...كفانا فقر

خلاص امشى
وعايز ليه تولعها
تمد ايديك وتقلعها
جزور بلدى
ف قلب الأرض موضعها
وراس بلدى
ف عين الشمس منبعها
لا نار حقدك
لا ريح ملكك وحاشيتك
هتقدر يوم وتخلعها
ما عاد بردك بيوجعها
ولا فقرك يجوعها
ولا أمنك يروعها
هقولك كلمه واسمعها
كفايه امشى

خلاص امشى
شباب بلدى
على طول النظر موجود
ايدين واحده
وعين باصه على الوحده
بيوت متجمعه خيوطها
ولا يفصلها أى حدود
مبنبصش على امبارح
وجرحك لو لفين سارح
وعشش جوه أحلامنا
ونبت جوه شرايينا
خلاص كنا
ودلوقتى هنا عيونا
وحولينا وقدامنا
وكلمه واحده ف لسنا
كفايه امشى

خلاص امشى
ضوافر ملكك المهدوم
على وشى
وفين ممشى ألاقيهم
وخوفهم لسه ف عنيهم
بطول اليوم
بيصحو ع القرف والذل....

شكرا ليك موضوع يجنن