موضوع خطير جدا (الرسول اتشتم) هتعملوا ايه

الحمد لله وكفى وصلاة وسلاما على عباده الذين اصطفى لاسيما عبده ورسوله المصطفى محمد صلى الله عليه وسلم
بسم الله الرحمن الرحيم
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد
اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد

أما بعد

تخيل لو تخيلي معايا تخيل لو النبي عليه الصلاة والسلام ربنا احيه دلوقتي ومشي فى الشوارع لقى الناس جايلوه يا رسول الله الحق يا رسول الله فى ايه انت اتشتمت يا رسول الله الغرب شتموك يا حبيب الله النبي عليه الصلاة والسلام مشي فى الشوارع لقى مظاهرات وعربيات وشباب طالع قال ايه ده هو كل ده علشاني قالولو لا يا رسول الله دا ده علشان مصر كسبت فى الدورة الافريقية النبي لقى الاف الناس مجمعة فى الاستاد بتاع القاهرة قال ايه ده دا كل ده علشاني قالولو لا يا رسول الله ده علشان ماتش الاهلي والزمالك الليلة
الرسول عليه الصلاة والسلام لقى الجرايد مكتوب عليه الخائن الخاين قال ايه ده دا ده اللى شتمني قالولو لا يا رسول الله دا ده حرس المرمى بتاعنا لما ساب الفانلة الحمراء وخانها وسافر بره النبي عليه الصلاة والسلام لقى 23 مليون sms مبعوتين قال ده دول مبعوتين لنصرتي قالولو لا يا رسول الله ده علشان الشاب المصري اللى فى تصفية Star Academy شباب مصر بعتين يشجعوه النبي عليه الصلاة والسلام لقى ناس جيه عليه يا رسول الله انتا اتشتمت رجالة وستات وبنات جامعة و اولاد قالهم انتو مييييييييييييين
انتى ميييييين انا مسلمة يا رسول الله فين حجابك وانت مييييييين انا مسلم يا رسول الله امال المساجد ديه كلها الاذان اذن دلوقتي انت مكنتش فيها بتصلي ليه (ياترى يا جماعة هيبقى الجرح الاكبر فى قلب رسول الله صلى الله عليه وسلم هو اللى شتموه فى الدنمارك واوربا و اللاحنا يا جماعة واللاحنا الجرح الاكبر الشتيمة اللى اتشتمت للنبي عليه الصلاة والسلام فى صحف فرنسا ولا النوادي الجامعات بتاعت المسلمين يا ترى يا جماعة يا ترى تخيل لو النبي عليه الصلاة والسلام ربنا عزوجل احيه بس احيه ليلة (خميس) ايه ليلة خميس لا كله الا ليلة الخميس انا حاسس ان في شباب اللى فاهم انا بقول ايه قلبه هيقف دلوقتي وهيرتجف لا كله الا ده النبي عليه الصلاة والسلام ميشوفناش واحنا فى الحالة ديه ميشوفش امته وهي وصلت للدرجة ديه ليلة الخميس الليلة اللى عايز يعرف امة محمد ليه بعد ما كانوا خلفاء الارض امة محمد ليه بعد ما كانت اعظم امة فى العالم كله ليه امة محمد وصلت للى وصلتلوا ده ليه ضاعت العراق و فلسطين ينزل ليلة الخميس وهو يعرف السبب ايه ليلة الخميس شباب مربطين مع بعض وماجرين استاد علشان ينزلوا يلعبوا كورة وشباب مربطين الساهرة فى النادي وشباب مربطين السهرة فى المصيف على البلاج وشباب مربط مع اللى بيحبها وبتحبه سهرة على الكورنيش وشباب مركب طقم صوت ب8000 جنية فى عربيته علشان ليلة الخميس مخصوص يلف فى الشوارع بيها وشباب مربط سهرة على الكافيهات ليلة الخميس يا جماعة تخيل النبي عليه الصلاة والسلام لو نزل وزهولوه وحرقة قلب النبي عليه الصلاة والسلام ميييييييييين دول .. دول احفاد الصحابة ازاى دول اللى انا عشت عمري علشانهم ازاى النبي زوهل بهت عليه الصلاة والسلام قال انا لازم اشوف حد اروح لحد بيته اشوف هو ايه !! ميييييين دول !!! ودول وصلوا لكده ازاى !! النبي عليه الصلاة والسلام اختار بيت راح لبيت كان هو البيت بتاعك / البيت بتاعك انتى الوقت اهوه النبي عليه الصلاة والسلام راح على البيت بتاعك وبيخبط فى اللحظة ديه كونا ليلة خميس بقى وانتى قاعده ماسكة فى ايدك قلم الروج وفى ايدك التانية ازازة البرفان وانت قاعد فى ايدك المكالمة العاطفية اللى بتتكلم فيها وقاعد بتشات على النت وفى نفس الوقت في كليب على الدش شغال والنبي عليه الصلاة والسلام خبط الباب خبط جريت / جريتي بتبص من العين السحرية لقيت واحد وشوه بيبوخ نور وشوه مليان نور عليه الصلاة والسلام انت ميين (انا رسول الله) حبيب الله حبيب قلبي يا رسول لله انت جاي تزورني يا رسول الله كنت هتموت من الفرح كنت هتتجنني من الفرح جاي تمد ايدك تفتح الباب ايه ده يا نهار ابيض ازاى والمكالمة اللى انا بتكلمها والشات اللى انا فاتحه والموقع اللى انا فاتحه رميت التليفون من ايدك وجريت بسرعة توطى الكليب وتقفل الشات التلفزيون علي اكتر قومت شايل الفيشة بتاعت الكمبيوتر وبتاعت التلفزيون كلها مرة واحدة ..جريتي تفتحى الباب وانتى بتجرى تفتحى الباب ايه ده يا نهار ابيض انا هقابل النبي بشعري كده ازاى شعري ده لسه معمول مزمبليه ده لسه طالع من الخلاط ده انتى هتبقي مزمبليه لو مفوقتيش والله ..طب اعمل ايه جريتي تدوري على طرحة مفيش غير الطرحة ال Spanish طب اعمل ايه فى الاخر خالص فين وفين لقيتي أشرب ينفع انك تلبسيه قدم النبي عليه الصلاة والسلام جاية تجري تفتحي الباب بفرحة وبلهفة ops البنطلون اللى انا لابسه جريتي تدوري على اى عبية اى عبية فى الاخر خالط لاقيتي عبية الصلاة بتاعت والدتك فى النهاية انت بتجري تفتح للنبي افتكرت الصور اللى فى اوضتك لو النبي دخل اوضتك هتعمل ايه جريت على الاوضة بسرعة بتشيل الصور اول مرة تبصلهم مييين دول مييين اللى انا معلق صورهم دول وانت بتشيل الصور صورة وقعت على المكتب لقيت شرايط اغانى اجنبي وعربي ميييين الاغاني الاجنبي ديه انا مش عارف معناها اصلا يبقى بسمعها ازاى طب اعمل ايه طب اتخلص منها ازاى شلت كله فى صندوق الزبالة مكانه الطبيعي وجريت بسرعة علشان تفتح للنبي وانتى بتجري بتفتحي الباب للنبي المكياج الماك اب اللى بقالى ساعتين قاعده اعمله طب اعمل ايه اجري بسرعة اغسل وشي وانت بتجري تفتح للنبي وبتقفل ازرار القميص وبتشد السلسلة من رقبتك وانتى اخير غسلتى وشك وبتفتحي الباب للنبي والباب قاعد يخبط كل شوية النبي عليه الصلاة والسلام خبط عليكم لغاية دلوقتى 3 مرات بتوع السنة يا شباب سنة النبي عليه الصلاة والسلام بتجري افتكرتى يا نهار ابيض البرفان اللى انا حطيته ده ان لازم ادخل استحم اه الحمد لله مكونتش لسه حطيته كانت الازازة لسه فى ايدي طب الصورة اللى فى الشنطة بتاعتى لو النبي سالني صورة ميين ديه جريتي بسرعة رميتي الصورة فى الزبالة ترمي مييين فى الزبالة جريتي تفتحي / جريت تفتح فتحتوا ملقتوش حد النبي فيين بتجري بتبص من السلم بتقول يا رسول الله النبي لسه بينزل اهوه يا حبيب الله انا فتحت يا رسول الله انا مشتقالك اواى يا حبيب الله وانا فتحت يا نبي الله النبي طلع عليه الصلاة والسلام ودخل وقعد اول ما النبي قعد ايه ده يا نهار ابيض ريحة السجاير نسيت اطفىء السجارة ديه حاجة تتنسي وفى نفس الوقت لقيت الموبايل بيرن اول مرة تحس ان قلبك وقف من رنة الموبايل ديه رنة موبايل مسلم وبعد كده بتبص فى الرقم يااااااااااه هو ده وقته ان الرقم ده يرن دلوقتي قلبك كان هيقف تلغي الاتصل يتصل تاني تلغي يتصل تاني تلغي يتصل تاني تلغي يتصل على البيت وبعدين النبي عليه الصلاة والسلام قاعد ساكت عليه الصلاة والسلام وبعد كده النبي بص لجيبك كده وشاف جيبك منفوخ وقال هاتلى المصحف اللى فى جيبك ده يا بني قولتلوا يا رسول الله يا حبيب الله ده مش مصحف يا رسول الله ده علبة سجاير يا حبيب الله ديه علبة تدخين يا رسول الله هتقول للنبي عليه الصلاة والسلام ايه بعدها الاذان اذن هتنزل تصلي انت كل مرة بتنزل تصلي ولا هتنافق ولو قولت مش نازل تصلي هتكدب على النبي عليه الصلاة والسلام ازاى هتعمل ايه موقف رهيب عارفين ساعتها النبي هيعمل ايه عارفة النبي ساعتها هيعمل ايه النبي مش هيزعقلك مش هيغضب ومش هيسيبك ويمشي النبي هيحضنك وهيبكي وتبقى عنيه زي الدم من كتر الدموع وهيقولك ده انا اللى ضيعت عمرى علشانك ده انا استغفر الله العظيم اللى انفقت عمرى علشانك ده انا اللى اجتهدت عمرى ليل نهار علشان انت تطلع مسلم انا ده انا للى عشت حياتي علشان انقذك من النار ازاى طب اشفعلكم عند ربنا عزوجل ازاى أشفعلكم لما تجولي عند الحوض عند ربنا ازاى اعملكوا ايه هقولكوا ايه اعملكو ايه يوميها تخيلوا النبي عليه الصلاة والسلام هيبقى قلبه ساعتها شكله ايه يا جماعة تخيلي بقى معايا تخيل معايا انا ده مش النبي تخيلوا ان ده ملك الموت (ملك الموت) اه ده مش هيستنى على الباب ملك الموت مش هتحلق انك تغير الواقع بتاعك قبل ما يدخل ملك الموت مش هتلحقي انك تدري من المنكرات اللى فى حياتك قبل ما يدخل مستعدة الليلة تنزلى تحت التراب الليلة اه تتحسبي مستعد الليلة تتحاسب مستعد الليلة تقف بين ايدينا ربنا وتتحاسب على كل حاجة عملتها مستعد انك انت تقبض روحك ليلة خميس لا كله الا الليلة ديه مقدرش .. مقدرش الليلة ديه هنفوق امتى ياشباب مطمنين ليه احنا ايه اللى مطمنا يا جماعة مطمنين ليه ده لو طلب جه دلوقتى وقولنالو عند امتحان ثانوية عامة بكره قلبه هيقف هيجيلوا سكتة قلبية ده في لاعب فى الملعب شوفتو بعنيا على النت الحكم ادالوا كارت احمر الاعب جالوا ساكتة قلبية وقع مات فيها مات احنا مطمنين ليه مطمنين ليه يا جماعة ده لو داخل امتحان بيتوقف عليه نجاحك فى الترم او سقوطك مبتنمش طول الليل ولو امتحان يتوقف عليه انك تعدى السنة او تقع وتسقط سنة بتبقى مرعوب وقلبك هيقف ولو امتحان بكالريوس او مجاستير او دكتورة بتبقى خلاص شعر راسك واقف طب لو امتحان بيتوقف عليه مصيرك انت مستعد له ولا لاء ؟؟ انتى مستعدية لملك الموت دلوقتى ولا لاء ؟؟ انت مستعد للزيارة المفاجاة الليلة ولا لاء مستعدين ولا لاء يا شباب يا جماعة ده لو الواحد بياكل اكل لحوم وفواكه وفراخ و و ومعهوش فلوس يجيب تمن الاكلة اللى بعدها بيبقى اعد قلقان انتوا مش قلقانين من جوع 50 الف سنة يوم القيامة ازاى يا شباب ده الواحد لو قاعد فى السحور بياكل لقمة ويشرب كوبية ميه باكل لقمة ويشرب كوبية ميه ياكل لقمة ويشرب جركن ميه من كتر رعبه من عطش 14 ساعة امال عطش 50 الف سنة يوم القيامة معملناش حسابه ازاى ده يقولك الذكي اللى يأمن مستقبل ولاده وهما لسه عيال يا جماعة احنا عايزين نفوق ياشباب احنا عايزين ننتبه مطمنين ليه وربنا وصف القيامة فى القران باوصف تخلع القلب يوم ترجف الارض الجبال يوم تبدل الارض غير الارض والسموات يوم نبطش البطشة الكبرى ان منتقمون يوم ترونها تذهل كل مرضعة عما ارضعت تضع كل ذات حمل حملها وترى الناس سكرى وما هم بسكرى لكن عذاب الله شديد ... يوم يعض الظلم على يديه يقول يا ليتني اتخذت مع الرسول سبيلا ... ويوم ينفخ فى الصور ففذع من فى السموات ومن فى الارض يوم تبيض وجوه وتسود وجوه كلها اوصاف تخلع القلب ازاى قلبنا مبيخفش ازاى يا جماعة ازاى يا شباب مطمنين ليه ورسول الله صلى الله عليه وسلم بيقول لولا الا تدافنو لدعوة الله ان يسمعكم من عذب القبر (تدافنو) يعني لو كان ربنا سمعنا عذاب القبر مكنش حد لارضا يدفن ولا دفن حد من حابيبه تخيلوا يا جماعة اتفرجت لسه امبارح على فيلمين على النت جمب بعض يخلعوا القلب لمغني عربي مسلم الفيلم الاولانى منظره وهو ماسك العود على المسرح بيعزف وبيغني وفجاة قام واقع من طولوه كل الدنيا اتقلبت (مات) مات وهو بيغني المنظر التاني والله العظيم يا شباب ولله العظيم الفيلم التاني تصوير لقبره بعد ما مات منظر يشق القلب ويشرخه القبر فى الاول ثقوب ثقوب فى كل حته وعند الراس فى كل حته وبعد ده المنظر المرعب تعابين طالعة وداخلة من الثقوب ديه منظر عمرنا ما شوفنا فى حياتنا منظر عمرنا ما شوفنه على الاطلاق فى حياتنا التعابين ماليه الارض التعابن فى كل حته فى القبر من اول الراس لحد اصابع الرجل ومنر التعابين تعابين كبيرة وضخمة بحق وحقيقي سبحان الله الفيلمين تحت بعض فى نفس الموقع يا جماعة مطمنين ليه وربنا سبحانه وتعالى بيقول قل ان الموت الذى تفرون منه فانه مالقيكم تخيل منظر مضحك واحد بيجري وفى واحد بيجري راءه وبيجري بيجري وبيجري ويهرب من بيت لبيت ومن سطح لسطح وقاعد يجري قاعد يهرب باى طريقة ولما بداء يحس ان هو خلاص هرب بيبص وراءه الحمد لله مش ورايا لقه فى وشه فانه مالقيكم مطمنين ليه مطمنين ليه ورسول لله صلى الله عليه وسلم بيقول لو تعلمون ما اعلم لو تعلمين ما يعلم لو تعلم ما يعلم لو تعلمون ما اعلم لو تعرفوا اه لو تعرفوا اه لو انت بتعصي ربنا شوفتي عرض حي للنساء فى النار وهم أكثر اهل النار اه لو انت بتعصي ربنا شوفت جهنم فيها عقاب المعاصي للى انت عايز تعملها اه يا جماعة لو تعلمون ما اعلم لضحكتم قليلا وكنت كل لما تضحك تفتكر الاخرة تسكت على طوال ولبكيتم كثيرا كل لما تفتكر يعني ايه موت تبكي كل لما تفتكر يعني ايه قبر تبكي كل لما تفتكر يعني ايه جهنم تبكي كل لما تفتكر يعني ايه جنة بتروح من ايدك تبكي كل حاجة بتفكرك بالاخرة شوية مية تشرق فيهم تقوم تفتكر يتجرعوه ولا يكاد يصيغوا لقمة تقف فى زورك تفتكر قول الله تعالى وطعاما ذات غصة وعذابا اليما لضحكتم قليلا ولبكيتم كثيرا .........لما الواحد بشوف شلة شباب قاعدين على الكافية يبصوا على ديه ويتفرجوا على كليب على الدش ويشربوا دخن سبحان الله وبيضحكوا اكبر جريمة ان هم بيضحكوا لان هما مطمنين بس مطمن ليه ذنوبك اتغفرت للى انتى عملتيه قبل كده توبتى منه ضمنتو ان ربنا قبل توتبكم مطمنين ليه تذكرو كل رسول الله صلى الله عليه وسلم (عبادة فى الهرج كهجرة الي) الهرج زي لليلة الخميس (أصبروا يا شباب حتى تلقوا رسول الله صلى الله عليه وسلم على الحوض الجملة اللى قالها رسول لله فى خطبة الوداع)

وجزاءنا الله وجزاءكم كل خير على حسن الاستماع

بجد يا اخوانى فى الله انا بكتب الموضوع ده وانا عايز انام لانى المفروض كان زماني نايم علشان اصحى اصلى الفحر انا بكتبه من الساعة 12 الساعة دلوقتى 2.30 وبجد الموضوع لسه فى كتير بس انا مش قادر ولام انام ساعتين حتى علشان اقدر اركز كمان فى المعهد واستحلفكم بالله لا تنسونا بصالح الدعاء