اللاءات .....لا ترى ( غمض عنيك )

غمض عنيك أحسن ليخدوهم
واذا لو بكيت إبكى على جوه
ابلع دموع العين وخليهم
جوه الضلوع قوه
خايف لتفتحهم عشان تبكى
تلقى مكانهم م العذاب حصوه

صلى ومتبصش على القبله
خلى عيونك ف التراب
ولا ترفع الجبهه
لحسن يكونو مفتوحين
وعيونهم الشايفه
تعرف بإنك فى الدعاء
والحزن واللهفه
قاصد كريم تدعى بكا
ع الظلم والقسوه
يطلع لئيم يخزق عيونك يا ولى
وف الظلام تبقى
حزنك أنيسك ف الضلوع
صاحبك عصاك
ف السنده والمشيه

منشور لمح عينك وكان
بينك وبين بيتك
نده عليك
أنا أصلى حسيتك
قلبك بينبض ثورجى
دمك نقى
مفضلش غير صوتك
إقرانى تلقى كل شىء مكتوب
ظلمك وفقرك سكرك زيتك
غمض عنيك فوتك
واجمع فتات قوتك
ده ف أول السطر اتفتح سجنك
وف آخر السطر أتكتب موتك

متشفش حاجه مش على بالهم
وافتح عنيك واعشق جمال حالهم
" مالنا ومالهم "هوه سر الكون
ووعاك تكون مجنون
غمض عنيك عنهم
لحسن تفتح ويا طلة شمس
تلقى على احطانك " خيالهم "
[center][b]

شكرا اك شاعرنا علي هذا الشعر الرائع

متميز ومبدع شاعرنا الكبير

تقبل تحياتى واحترامى

شكرا جزيلا على مرورك الكريم

إقرانى تلقى كل شىء مكتوب
ظلمك وفقرك سكرك زيتك
غمض عنيك فوتك
واجمع فتات قوتك
ده ف أول السطر اتفتح سجنك
وف آخر السطر أتكتب موتك

شكرا أخى على مرورك

شكرا ليك موضوع يجنن

» اللاءات........لا تنطق ( متنطقش )