متدبحنيش بسكينك

متدبحنيش بسكينك .....أنا طيرك
وقلبى اتربى من خيرك
وعينى لما يوم شافت
ما شافت غير قناديلك
وصوتى لما يوم غنى
لقيته يقول موواويلك
متدبحنيش وغنيلك

متدبحنيش سيبينى أموت ومن نفسى
بهمى وغربتى ويأسى
أنا نفسى
أشد لحافى فوق وشى
وتنسانى حروف أسمى
وتطلع روحى من خشمى
ولا يقولوا أنا قتيلك
متدبحنيش وانا ادعيلك

بلاش انتى
انا اتمنى أموت مره ورا مره بعيد عنك
ولا انى أموت مره مبين حضنك
ولا إنك تكونى بدايه لنهايتى
ولا نهايتى تكون عندك
أقولك
لملمى توبك وسكينك
ولمى النور على جبينك
أنا راضى أموت وحدى هنا ف ليلى
ولا يقولوا أنا قتيلك
متدبحنيش هنا ف ليلك

متسمعنيش
ده كل كلامى من بعدى
أموت عندك
ولا إنى أموت وحدى
أموت عندك
ما بين حضنك وبين وجدى
وصدى من ورا سطرى
وسطرى زى قلبى يقول
بعيد عنك انا مقتول
ف حضنك أنتهى وابدأ
أنا راضى نهايتى تطول
لأنى كنت ف بدايتى أنا وليدك
متدبحنيش أنا وليدك

أنا راضى أموت وحدى هنا ف ليلى
ولا يقولوا أنا قتيلك

تسلم ايديك نستنى المزيد من مواهبك

شكرا جزيلا على ردك .....وسلمت لنا جميعا
وشكرا على مرورك

مازاال العاطاء ينبع من قلمك الذى دائما وابدا يروى كل مشتاق ويسعد كل حزين

بكلمات لم اقرأ اجمل ولا ارق منها .

دئما العطاء من قلمك ان شاء الله

تقبل تحياتى اخى وصديقى الغالى

صديقى العزيز أحمد لا أدرى ماذا أقول لك غير أنى دائما أشتاق الى الجلوس معك فالأحزان كثيرة والاحتياج الى صديق ينفض عنك هذا الحزن ولو لدقائق مهم جدا ....وحشتنى جدا وشكرا على كلامك الرقيق [size=24][/size]

امال انا رحت فين يا قلبى بس

طبعا بدون الاسغناء عن أ. احمد النجار

موضوع رائع بارك الله فيك

اشعار من انسان انسان فعلا كلمات صادقه شكرا لك

أشكرك كثيرا على ردك الجميل

شكرا ليك موضوع يجنن